OrBinah

(En berbère-tashlhiyt) Le mouvement amazigh marocain; un mouvement intellectuel autiste?

- aTTan n-tavaRt n-ixf v-usays n-ufrak d-uswingm

 

مرض التوحّد في باب الوعي والتفكير

---

"Tussna n-imttuDSa".

---

urd willi bda yiwi yiDS (mHsub: ‘id mlliDS’) ula willi bda igan taDSa n-wiyyaD, ad s-rix ad-t inix s-tguri n-‘imttuDSa’.

aylli-nn waddsx s-tguri-ann, iga-t vaylli mmi ttinin ‘autistes’ s-tfRanSiSt (nqqR azday-ad): ini yan RRhD n-imuDan n-tuqqna n-l3aqql, lli-nn ittqqnn ixfawn nnsn v-yan uvmmir n-uswingm srsn iZlin; ur a ttiZDirn ad frin i-mad gant limuRat n-tudrt d-middn v-mad asn issutln.

RRhaD-ann n-waTTan ar ittqqn alln d-imzgan, isvR agayyu n-bab nns. ar-as ttinin s-t3rabt ‘التوحّد’ niv ‘الانطواء’.

izwar-iyi nit, mnck ayad, mas urix f-waTTan ann s-t3rabt (nqqR azday-ad), zaydx alsv-as s-tclHiyt v-RmDan-ad izrin, tigira n-kullu ma ijRan v-tmazit (Inzggan, Agadir, Fas,) iggammi yan umussu lli mmi-d iwi ugayyu nns mas iga ‘amussu n-uswingm d-tussna’ ad-as ifrk, yamu-nn gis s-uswingm d-wawal d-RRi, zund kullu ayt tmazirt (nqqR zday-ad).

 

ad-yyi-d iwin ad-dax ssktix awal-ad d-imussutn-ad dax imggura lli kullu ismussn tamazirt v-id imalass-ad iggwran, sul ur-as akkw ifri umussu-ann amaDun afad gis yamu, yili dars mad gis ittini s-vikad ula vikann.

amussu-ann an3Dub ur dars illi ma ittini, s-umdya, la v-isstayn n-tsggwin n-tmazirt, ula v-tfDDaHt n-igwaZTiyn ifRanSiyn, la s-lkhir ula s-l3ar. ur yadlli ifri i-Htta yat v-kullu mayann, zund ukan kra n-tazzanin urta ilin l3aqql, ilin sul ddu tHjjaRt n-wid mqquRn.

amussu-yan iqqn-inn bda agayyun nns, zund tazzanin, v-tvwmrin d-tannrarin lli v-ar ittirir ar ittxwmmaR s-vmklli walli-walli: had iv-tt ifka i-uzawar d-wawal iJJan s-tgiriw-lli tilli-tilli (‘qawmajia’, ‘lmxzn’) had iv a isillif s-‘ucnyal amaziv’; had iv-isslsa acnyal-ann i-tazzanin d-id bijju ; had iv-d iwi imiyn n-mas tga Angelina Jolie ‘taRqqast n-tussna tamazivt’ v-umaDal ; had iv a ismummuy ifk-tt i-tvuyyit (‘lwaqafat nniDaliya’) ; had iv a ismigil mas ira a isqrbl ddunit iDr-nn ssv ukfaf iv-as ur skrn s-lxaTr; had iv, had iv …

----

lHaSul, tttrrr! lli s-a ttinin; mad-stt gim yiwin, a tagwlla, vwas n-l3ayd!

ihnna nit lHal iv iccHRJ wawal-ad kra n-idwa n-yan.



01/09/2015
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 323 autres membres