OrBinah

(En arabe marocain) Le mouvement du Rif, relève-t-il encore de la revendication sociale?

ياك ما كاينة شي أطراف باغية تاكُل الثوم بفمّ أهل الريف؟

 

 

 

يوا راه سكتنا شويّة على مسلسل الأحداث فالحوسيمة بعد ما تّناولناها من ناحية السياسة التورابية، والتاوازونات الجيهاوية والثاقافية، على طول عشر سنين، فالوقت اللي كان فيه كثير من الناس كا يحمّيو السوق فشوارع البلاد وفي الإعلام على العيراق، وغزة، و"النموذج التركي فالعادالة والتنمية"، والمهراجانات، والتلهيج، والفرانكوفونية، وترسيم "السنة الأمازيغية" و"العلم الأمازيغي"، و"عطيني صاكي"، و"الزين اللي فيك" و"الشذوذ الجنسي"، والتاحكّوم، والتاماسيح والعفاريت...

 

سكتنا شويّة، ماشي لأنه ما كاين-شي ما يتّـكًال فهاذ اللحظات المتّدافعة اللي كا يقارنها البعض، من حيث قوّة الانعيطاف ديالها، بالحالة ديال المغرب في نيهاية القرن-19 وبيداية القرن-20، ولاكين لأنّ الهضرة كتارت وتّخلطـ'ـت وتخوّضـ'ـت وفسد'ت.

 

الهضرة فسّدتها السيّاسة القايمة، والخيطاب ديالها السياسوي البيدائي، وزاد في فسادها خيطاب الحيّاحة من كل جهية وطيرق، وحتّى خيطاب بعض المتقّفين اللي صابهوم التيقاف وتّكسر فيهوم الدمياطي الثوري ديال اللحظة د-الستينات والسبعينات، واللي كانو في احتيضار كلينيكي هادي عيمان طويلة، حتى صات عليهوم في غيرانهوم ريح الشركي فـ 2011، وبداو من جديد كا يصرصرو بحال بوزوزوان ("لاسيكًال")، واتّاخدو من دلاقشهوم روابز وكيران كا ينفخو بيهوم فالدخان، وكا يتّسنّاو ديك العشية الموعودة ديال الزمان المهداوي اللي غادي يتّــقال فيه للتّاحكّوم المخزاني: "ديكًاج!"، "ارحـ'ـل!"، ويديكًاجي المخزن تمّ-تمّ، ويبات ما يصبح؛ وما عليهوم-شي اشنو غادي يصبـ'ـح في بلاصتو باش يقولو ليه "الله ينصر من صبـ'ــح"، كيما عملو معا الحيراك ديال 2011 (شوف هــــنـــا).

 

بيّــنّا فـهادوك الأعمال السابقة والمتّراوحة ما بين 2007 و2017 الأوجوه المختالفة، والمتّداخلة، والمتعدّدة الموستويات ديال الإختيلالات اللي ما كا تشكّل أحداث الحوسيمة في الشهورا اللخّـرين سيوى تعبير تفجيري خامّ ومنفالت على التاراكوم ديالها والخماج ديال حالتها. وهادشّي ما غاديش نعاودوه هنا؛ واللي بغى يطالع على عيّينات منو، ما عليه إلا يرجع ليها فموقيع "الحوار المتمدن" و في نفي هاد المدونة OrBinah.

 

بالصـ'ـح  دابا، ومن بعد واحد السلسيلة من المؤشيرات القويّة والمتّكاملة، سوا على مستاوى الخيطاب ديال اصحاب داكشّي اللي كا يسميوه مُّـاليه بـ"الحيراك السيلمي"، أو على مستاوى إدارة هاداك الحيراك من طرف صحابو، وتاعامولهوم في الشأن ديالو معا المؤسّسات الجهاوية والواطانية القايمة، كا يبان مزيان بلـّـي معراكة صيراع الأبعاد ديال الحيراك تغلبـ'ــت فيها، فــنيهاية الأمر، الأبعاد الطوفيلية ديال السياسية من المستاوى العالي ديال أوهام "إعادة التأسيس" على الصاعيد الواطاني، وماشي أوهام "الانفيصال" كيما كا يعتاقدو السياساويّين المزروبين، لأنّ الشروط الطابيعيّة والتركيبــاشارية الجيهاوية ماشي متوّفرة لهاداك الخيار مهما كانت الأوهام ديالو عند بعض تجّار الأحلام والزوباناء ديالهوم.

 

غادي يطول بينا الكلام يلا حاولنا نستقصيو جميع هادوك المؤشرات هنايا؛ ولاكين راها موجودة وحافلة بيها ماواقيع الإعلام المكتوبة والمسجّلة، ويمكن جمع هادوك المؤشيرات وتبويبها حتّى تـتّـقاطع المعاني والديلالات ديالها وتـتّـكامل في إفادة' الخولاصة اللي سبقت.

 

ويلا كانت "اللياقة السياسوية" كا تفرض على السيّاساوي باش يدير "عين ميكة" على الخولاصة المذكورة، وما يهضر-شي عليها، فا الحالة مختالفة بالنسبة للفاعيلين في باب تشكيل الرأي العامّ من عامّة "الموفكّيرين" و"الموثقافين" و"الموحلـّيلين" والإعلاميين اللي ما غادي يتقدّمو لأيّ انتخابات بصيفة شخصية، وما-شي من شانهوم "يحرقو" ورقة أيّ حزب. لاكين هاذ الفيئة بدورها بقات كا تدوّر نفس الديسك المفاري فالخوا، من البداية ديال الأحداث حتي يلا اليوم: الديسك ديال "سيلمية، سيلمية" من أجل "ماطاليب اجتيماعية". وما تقدر-شي هاذيك الفيئة حتّى غير تطرح شي أسئيلة؛ وتقول على سبيل الميثال، على أساس المؤشّيرات اللي تمّـت الإشارة ليها: ياك ما كاينة-شي، فالبعد ولا فالقُرب، أطراف باغية تاكُـل الثوم بالفُـامّ ديال أهل الريف؟ وياك ما كاينة في مسألة أوهام "إعادة التأسيس" قصة "تسعاتو-رهطين"؟ علاحقّاش، كا يقولو الأولين ما يلي:

 

"الغـــــــار، كا يحفرو  الفـــــار باش يعمّر فيه الدار، ولاكين كا يسكواطيه الحنش ويسكن فيه بعدما يتعشّى بالفار، ويولـّي هوّا مول الدار".

 

في هاذ الإطار الأخير، هاهوّا الشيخ فاغوس أبارنوس، اللي كا يعوم فالإتيجاه الموعاكيس للتيّار فقلب العاصيفة ديال الريف من البداية ديال الأحداث، كا يقول فواحد التدوينة ديالو فالفايسبوك اليوم 22 يوليوز ما يلي بالعربية ديال النحو والإعراب:

 

[[الداعونَ إلى مسيرةِ 30 يوليوز يُثبتون لكلّ من قُلِبَت عليه القفة، أن أمور الحراك والمطالب والاحتجاجات لا تعنيهم في شيء. و كل ما يهمهم هو تصريف عُقدهم الخاصة والحسابات البائسة البئيسة لتوريط الأبرياء في صراعات لم ولا ولن تعنيهم في شيء. أيها الجبناء! أيها المرضى! يا جماعات الوهم! كلوا الشوك بأفواهكم؛ الله يجعلكم تاكلو فيه جغديد إن شاء الله.]]؛ ونقول آمين.

 

  

 

فا من بعد الماسيرة اللي تمّـ'ـت الدعوة ليها هادي شهورا واللي ما يعرف حتّى واحد شكون هيّا الهيئة اللي نظـّـمتها وطلبت ليها الترخيص وتّحمّلـ'ـت مسؤولية تأطيرها، واللي تمّ ربطها، رمزياً من خيلال الخيطاب ومن خيلال تاريخ 20 يوليوز 2017، بالعومق الجيوسياسي ديال ذيكرى خوض الأمير بن عبد الكريم الخطابي لــحرب الموقاومة ضدّ الاستيعمار فالظوروف الجيوسياسية الأومامية المعروفة (صبليون، فرانصيص، آلمان، طاليان، مشريق)، هاد الدعوة الأخيرة للناس باش يخرجو في "مليونية سيلمية" جديدة في نهار عيد العرش بالضبط، اللي شار ليها فاغوس أبرنوس، ما هيّا، فالواقيع، سيوى آخر حلقة فالسلسيلة  د-المؤشّيرات اللي شرنا ليها واللي كا تبيّن التاقاطوعات ديالها بلـّـي  الموطور ديال الروينة  د-الريف تبدّل، وأنّ الديريكسيون ديال هاديك الروينة فـلـ'ـت من يد اصحاب الماطاليب الاجتيماعية، وأن  البيعة-وشرية كُلـّها صبـحـ'ـت مسالة سيّاساويّة وجيوسيّاسية بشكل مكشوف، كا يحاول كل كًـ'ـنس من كًنوس "تسعاتو-رهطين" (ثلاثة هبّاشا وثلاثة حفّار وثلاثة طيّارا "يفسدون في الأرض ولا يصلحون") باش يدخل في زحامها بمرفـ'ـكًـ، ولّا بكتـ'ـف، ولّا بركبــة على أساس باش يكون هوّا الجمّال الأخير اللي يضر'ب القاعة.

 

سمعو ليّا هنا، الله يخليكوم على سبيل الميثال غير اشنو كا يقول واحد الغُراب من كًنس الثلاثة الطيّارا ديال تسعاتو-رهطين، اللي جابتو ريحة الخنز من قيهــرة بعيدة، وصبـ'ـح حتّى هوّا باغي يغيث أهل الريف، ويخلـّـصهوم، ويخلـــص بواسيطتــهوم كافة الشعب المغربي من التاسلـّـوط والتاحكّوم ديال النيظام المخزاني (شوف وسمع هـــــنــــا).

------------------

نصوص قصيرة ذات صلة

 

(15 06 2017)

Sémantique de la conférence de presse du Président français à Rabat

//orbinah.blog4ever.com/en-francais-semantique-d-une-conference-de-presse-a-rabat

 

(26 06 2017)

Qui est derrière l’effilochement des instances de médiation politique au Maroc? Une question en marge des événements de Hoceima 2017

(بالفرنسية والعربية)

//orbinah.blog4ever.com/arabe-et-francais-jeunesse-et-encadrement-politique-au-maroc-et-en-diaspora-enseignement-des-legislatives-francaises-2017

 

22 06 2017

عن الراية والشارات المغربية مرة أخرى،

ما بين المناسبات واللا-مناسبات

//orbinah.blog4ever.com/en-arabe-du-drapeau-marocain-a-l-occasion-des-protestation-du-hoceima-2017

 

14 06 2017

قـــــراءةُ فِراسةٍ في ملامح حركة الاحتجاج بالمغرب

لسنتي 2011، و 2017

//orbinah.blog4ever.com/en-arabe-lecture-physionomique-de-la-protestation-au-maroc-en-2011-et-2017

 

06 06 2017

كيان الدولة، والحتمية الجغرافية

//orbinah.blog4ever.com/en-arabe-l-entite-de-l-etat-et-le-determinisme-geographique

 

09 06 2017

 L’état et le déterminisme géographique

En écho aux événements d’Al-Hoceima

//orbinah.blog4ever.com/en-francais-en-echo-auxevenements-d-al-hoceima-l-etat-et-le-determinisme-geographique

 

 

05 06 2017

"من دلالات بعض مؤشرات تداعيات حْـرْكة 20-فبراير"

(مَـن في الجُـبّـة؟  وماذا في قعـر الجُـبّ؟)

//orbinah.blog4ever.com/en-arabe-certaines-significations-de-la-mouvance-dite-hirak-du-mouvement-20-fevrier-en-2011-au-maroc

 

04 06 2017

العقل الأخلاقي ما بين المعــقول والمقــول

(على هامش التطور الأخير لخطاب الاحتجاج في الحسيمة)

 

//orbinah.blog4ever.com/en-arabe-largument-religieux-dans-les-discours-intellectuel-sur-lethique-au-discours-islamiste-en-politique-en-marge-du-clash-entre-n-zafzafi-et-a-assid

 

28 05 2017

حتجاجات وأحداث الحُسيمة

لا يصحّ اختزال طبيعتها في تجليّاتها الظاهرية

//orbinah.blog4ever.com/en-arabe-les-protestations-d-al-hoceima-au-maroc-ne-sont-pas-reductibles-au-dimensions-de-surfacde

 

04 03 2016

ترسيخ التجريح الإثنو-ثقافي كمنهج للإقناع السياسي بعد دستور 2011

//orbinah.blog4ever.com/en-arabe-la-stigmatisation-ethnoculturelle-se-renforce-parmi-lelite-marocaine-comme-argument-de-conviction-apres-la-constitution-de-2011

 

2012

عن بعض دلالات العَـلـَـم الأمازيغي

//orbinah.blog4ever.com/en-arabe-que-signifie-le-drapeau-amazighe

 

2007

السياسة العمومية والاختلالات الجهوية بالمغرب

//orbinah.blog4ever.com/en-arabe-politiques-publiques-et-desequilibres-regionaux-a-l-occasion-des-evenements-de-hoeceima



23/07/2017
11 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 182 autres membres